日志
作细涯做过该事
热度 7
涯作细该时候俺懒尸,俺伢蛇,麦得人惜,咹得人恼（人惜熬，古惜白，哩句古讲的还绰喔）. 涯作细该时候,支背供喽一头大水牛,一到冬头资爱打碧人撒犁田,涯爸喊涯去牵牛,涯俺唔甘愿，唔想去牵牛,一心想着打碧人撒作菩聊。仲爱打跳棋,结果奔涯爸鞭,咋着惊该嘞.涯还其德，有一段时间，涯打跳棋打到大拇指该手指甲涅一个窟哟，料之奔涯爸骂，也唔同意涯再去打跳棋，但系涯还是偷偷去打该，唔听话，哇哈哈。作细俺喜欢去打塘横,一听碧人萨讲有仪位旱塘该时候,资去捉鱼,摸石孔。有一次,涯在摸石孔该时候，摸到一条蛇,涯正开始以为系黄鳝,咋欢兴该，仔细一看原来是一条蛇,惊半惨，丁丁准啊。烂畚箕打湖鳅,走该走,溜该溜,到头来埋都莫，浪费时间啊.夏天时半长下昼,天时安热,偷偷去溪坝洗浴,打赤脚打赤膊,作细唔知惊,唔知死,咹深该地方敢去洗浴该,伢唔惊浸死哟，不过等涯识事之后涯资唔敢去洗浴咯，惊死啊，要识想咯.作细唔识事,埋都唔惊.涯细该时候,有一次跌落楼面前塘呦,刚好乡里该一个嫂从塘绳经过,见到塘里有一个细仔一沉一浮,姖快快打涯拖起来,险险浸死呦,感谢姖.“做人莫烂泥糊唔上壁、莫烂屎不通，爱识事、麦莽学行先学走。老人讲细偷针，大兹偷金、后生唔做家，老兹正知差”。哩俺兜句老人言，涯一直期德，讲的真实有道理，爱好好学习
